EDITORYAL - Proyektong angay'ng suportahan

Ang gibalitang plano sa pipila ka mga Haponanong investor sa pagbubo sa ilang puhunan alang sa usa ka world class theme park dinhi sa Sugbu, angay'ng hangupon sa mga Sugbuanon.

Ang maong theme park dili lang kay mohatag og dugang panginabuhian sa mga Sugbuanon ug mopausbaw sa kita sa Sugbu kun dili usab makapahimong mas inila pa gyud sa Sugbu isip world class tourist destination.

Manghinaut kita nga adunay katumanan kining maong plano sa mga Japanese investor.

Ang maong katumanan hayan makab-ot kun hatagan og kusganong pagduso ang gihisgutang proyekto sa atong kagamhanan ug kahatagan usab og pagsuporta sa komunidad.