Daghan ang mihanghop sa pagtudlo kang Comendador isip bag-ong hepe sa CCPO. Kini tungod kay nailhan man si Comendador nga usa ka maayong tawo ug dunay katakos ug kabangkaagan sa pagpamolis.
Base sa mga pagdayeg ngadto sa bag-ong tsip sa CCPO atong mapanglantawan nga magmalampuson kini sa iyang pagduma sa kapolisan dinhi sa atong dakbayan.
Manghinaut kita nga ang kalampusan nga gipanglantawan sa kadaghanan atol sa termino ni Comendador isip CCPO chief moapil ang pagputol sa patay nga gipasangil ngadto sa mga vigilante diin bisan usa niini ang wala pa kahatagig kasulbaran.
Pahalipay, Tsip Comendador, sa imong pagkatudlo isip hepe sa CCPO ug makapaabot ka sa maong suporta sa tanan mong lihok alang sa kaayohan sa dakbayan.