Sa mahimo lang
Dili tiaw ang gibati kong kakulba sa dihang niabot ang kastigo ni Seniang didto sa Isla sa Carnaza. Pagkaugma daghang mga balay ang nangaguba ug daghang mga tawo ang nawad-an og pinuy-anan. Akong gihunahuna nga mohimo gyud dayon ako og mga butang ug lihok agi'g sanong sa maong panginahanglan. Ug dinhi ako nakaamgo nga dili diay tinuod ang Superman.
Usa ka kahimanan sa pagkat-on ang maong hitabo. Kaniadto daghang mga butang ang buot nakong himoon hangtud na hinuon nga sila dili na mahitabo. Sa maong panghitabo ako nakakat-on sa paghagpat-hagpat sa mga tipaka sa mga butang nga reyalismo sa walay pagsakripisyo sa mga ideyalismo.