EDITORYAL — Di lang pagpanakop, pag-edukar sab

Niumento ang koleksiyon sa Citom sa mga multa gikan sa mga tawo nga nakalapas sa mga lagda sa trapiko sama sa mga drayber, jaywalkers, ug uban pa.

Nikita ang Citom og P565.605 niadtong Oktubre diin misaka kini ngadto sa P607,426.36 adtong buwan sa Nobiyembre.

Kining pagsaka sa koleksiyon sa Citom mipakita nga daghan sa atong mga kaigsuonan ang mibali-wala kun wa lang magpakabana sa mga lagda sa trapiko.

Ug mipakita usab kini nga pakyas ang Citom sa pag-edukar sa katawhan kabahin sa kinahanglan nilang tumanon kun anaa sila sa kadalanan.

Ang obligasyon gud unta sa Citom dili lang ang pagpanakop sa mga nakalapas sa balaod kun dili usab ang pag-edukar sa katawhan kalabot sa traffic laws.