Candidiasis

ISANG sulat mula sa Pinay na nagtatrabaho sa Saudi Arabia ang aking natanggap at nagtatanong siya ng ilang kaalaman sa candidiasis.

"Ako po ay matagal nang reader ng Pilipino Star NGAYON. Hindi complete ang aking araw sa bansang kinaroroonan kapag hindi nakababasa ng Pilipino Star NGAYON. Kahit na iniitiman ng mga Saudi ang pahina ng Pilipino Star NGAYON ay hindi ako tumitigil sa pagbili ng diyaryong ito.

"Ano po ba ang candidiasis? Maaari po ba ninyong ipaliwanag kung saan ito nagmumula.

"Maraming salamat at tawagin mo na lamang akong Sandra."

Noong nakaraang taon ay naging paksa ko na ang candidiasis sa kolum na ito. Siguro ay hindi ka nakabili ng kopya diyan sa Saudi Arabia.

Ang candidiasis para sa kaalaman mo Sandra at ibang mambabasa ay isang fungal infection. Isang organism na tinatawag na Candida ablicans ang may dulot ng infection. Makikita sa bibig at sa vagina ang candidiasis. Nagkakaroon ng skin infections sa mga areas na ito. Ang ilalim ng mga suso ay maaari ring magkaroon ng skin infection dahil sa friction.

Ang mga sanggol ay maaaring magkaroon ng candidiasis sa bibig.

May mga uri ng candidiasis na infections ay lumili-taw kapag ang katawan ay nakikipaglaban sa ibang sakit o infection na kagaya ng flu. Ang mga nagti-take ng antibiotics, hormones, o steroid drugs kagaya ng gamot sa asthma, at ang mga taong stress ang madaling kapitan ng candidiasis.

Ang Candida ablicans ay isa sa mga microorganisms na naninirahan sa bibig at maging sa balat. Ang mga microorganism na ito ang nagiging dahilan ng problema kapag nagmultiply na. Normally Candida ablicans is kept check by the bodies friendly bacteria. Subalit kapag ang protective bacteria ay napinsala o ang immune system ay mahina, dahil sa paggamit ng broad spectrum antibiotic sa matagal na panahon, ang candida cells ay maaaring magparami at gumawa ng infections.

Ang mga sanggol ay ipinanganak na walang proteksiyon at natanggap ang una nilang friendly bacteria mula sa kanilang ina nang magdaan sa birth canal. Ang pagsuso ng baby sa kanyang ina ay mahalaga sapagkat nakaiiwas sila sa infections.