Kapasayloan

Si Caliph Hassan usa niana ka adlaw samtang nagkaon ang nayab-an og init nga sud-an nga maoy hinungdan sa iyang pagkapaso. Ang sulogoon ginamit ang teksto nga kinutlo gikan sa ilang espirituhanong libro ang nagkanayon:

"Ang paraiso alang lamang kanila nga dili masuk-anon."

Si Caliph Hassan mitubag: "Wala ko masuko kanimo!"

Ang sulogoon mipadayon: "Ug kanila nga maantigong mopasaylo!"

Ang Caliph mitubag: "Gipasaylo ko na ikaw."

Ang sulogoon mipadayon pa gyud: "Ug labaw sa tanan, kanila nga mobawos og maayo sa dautang binuhatan."

Ang Caliph nagkanayon: "Kon mao kana, ako magbuot nga gawasnon ka na og nga hatagan ko pa gyud ikaw og napulo ka sensilyong bulawan!"

Pamalandong

Dili gyud ko makalimot sa giingon ni Msgr. Orencio Jubac sa dihang nahitaak ako sa iyang parokya sa Jagna nga nagkanayon: "It Pays To be Good!" tinuod lisud baya ning mohatag og pasaylo labina kon dulot sa bukog ang gihatag nga kasakitan. Apan kini lang ang bugtong paagi aron ang tawo makapadayon sa pagpuyo sa kinabuhing madagayaon og malipayon.