Giabot og katingala ang mga katawhan sa usa ka sinagoga kun nganong wala pa gyud mahiabot si Rabbi Moises. Ug agi og pagtuman sa iyang mando nga bisan wala pa siya, mahimong sugdan na nila ang pag-ampo. Nag-ampo sila ug sa dihang nahuman na kini, ilang gipaminaw ang rason kun nganong wala gyud dayon mahiabot si Rabbi Moises ug sa unsang hinungdan nga nadugay man siya, nga unta sayo man gyud siya sa kanunay. Ang Rabbi niasoy ning mosunod: "Sa diha nga nagpaingon siya sa sinagoga, nakadungog siya sa hilak sa usa ka bata. Iyang nasuta nga ang ginikanan diay sa maong bata, nitambong sa panagtigom sa sinagoga. Busa iya kining gilingaw ug sa dihang giduka na, iya kining gipahimutang sa katre dayong lakaw padulong sa sinagoga."
Pamalandong
Nindot ang magsangpit, mamalandong ug magdayeg sa ngalan sa Ginoo sa paagi nga katilingbanon. Apan wala kini magpasabot nga dili nato ibalanse ang kinabuhi. Padayon lang gihapon natong buhaton ang atong tagsa-tagsa ka tahas segun sa kinabuhi nga kita gitawag. Kay unsa man ang pulos sa atong kaaktibo diha sa katilingban kun pamilya ug mga anak nabiyaan ug napasagdan.