Ang Dios Miingon...Sa tumang paghatag

Kadaghanan kanato ang mohatag apan nakapait kay mohatag kita segun sa atong masobra. Mao nga usahay, ang pagkamanggihatagon mag-agad sa sobra sa usa ka tawo. Ang ebanghelyo karong Dominggoha naghagit kanato nga sama sa usa ka kabus nga biyuda maantigo unta kita nga mopaambit bisan og taliwala sa atong kawad-on ug kalisdanan. Ang hinungdan ning tanan, mao nga ang maong biyuda adunay gugma. Ang maong gugma maoy nagtukmod kaniya nga mogahin gayud sa bisan unsa nga gamay nga anaa kaniya. Ning maong yanong buhat, mas nahatagan niya og pasidungog ang Dios inay sa uban nga nihatag lamang tungod kay naghinobra sila. Ikaw makahimo ba sa ingon?