Sakripisyo og gugma

Duha ka mga bag-ong kinasal nga magtiayon ang miduol kang Mother Teresa usa niana ka adlaw aron mohatag og dako-dako kaayong salapi aron sarang magamit sa pagpakaon sa mga kabus sa India nga kasagarang modangop kang Mother Teresa. Si Mother Teresa nangutana: "Nganong inyo man ning gibuhat? Sila mitubag: "Imbis maghikay mi ug magkombira mi alang sa maong kasal among nahukman nga mohimo niini agig pagmatuod sa among gugma sa usag-usa." Si Mother Teresa, giabot og dakong katingala sa maong tubag: " Kay ngano man diay? Dili ba diay sila kombinsido sa usag-usa kanila?" Ang tinuod mao: "Agig pagmatuod niining maong gugma, andam silang mopakita og sakripisyo agig pagpangandam sa mga umaabot pang mga sakripisyo sa ilang kinabuhi ingon nga mga magtiayon."

Pamalandong

Dili paigo lang ang pagsulti sa mga matam-is nga pulong sa gugma. Hinunoa, mas bililhon nga mohimo gayud og pagmatuod niini pinaagi sa buhat. Ang duha ka mga magtiayon nagpakita nga andam silang mosakripisyo alang sa mas halawom nga kawsa nga makapalig-on sa ilang relasyon. Kita sab unta diha sa pakigrelasyon, dili lang nato unta ipunting ang atong pagpangandam sa mga butang nga mga dili na kinahanglanon. Kay matud pa sa Ingles: "Man opted to choose the accidental elements over and above the substantial elements of life....

* * *

E-mail: [email protected]