Sulayi kuno sa imong kaugalingon

brechtold brecht

Si Mister Smith, ang napadpad sa may bukana duol sa dakong dagat. Iyang namatikdan nga ang yuta nga iyang gitumban hapit na mahilis tungod kay nagsingabot naman ang taob. Nagpakitabang siya ug nisinggit sa pamasin nga dunay bangka nga molabay apan wala gyuy mitumaw. Unya nag-ampo siya nga unta dili na lang motaob kay seguro man gyud nga siya malunod. Apan daw sa wala gyud dungga ang iyang pag-ampo. Ug sa dihang taga-suwang na ang tubig, diha pa siya kaamgo nga maantigo diay siya nga molangoy. Busa nilangoy siya alang sa iyang kinabuhi didto sa pikas tampi.

Pamalandong

Ang tawo usahay, mahikalimot nga anaa lang kaniya ang sulbad sa iyang mga problema. Dugang pa, ang Dios nagsangkap kanato sa galamhan aron sarang magamit sa mga higayon nga kita nahamutang sa kahagip-ot. Mao nga bililhon gyud ang paghilom aron mamalandong ug mangita sa mga solusyon sa mga problema nga angayang sulbaron inay ang pagkab-ut dayon og usa ka dinaliang hukom nga wala moagi og husto nga pamalandong.

* * *

E-mail: [email protected]