Mga PIA dispatch!

Ang kanhi natong gitrabahoan, ang Philippine Information Agency (PIA), pinaagi sa ilang head karon, si Minerva Newman, regular nga magpadad-anan pinaagi sa e-mail, og mga news dispatches, mga kasayoran ug mga kalihokan sa atong gobiyerno.

Salamat kaayo Mines. Ato ning anam-anamon ug hinay-hinayon og gamit dinhi ning atong lindog. Kay duna man say mga maayong hitabo sa atong nasud ba.

Pananglitan, ang Royal Dutch Shell, usa ka international nga kompaniya sa oil, gas ug petroleum, naglaraw pagpalapad sa ilang operation dinhi sa atong nasud. Nindot di ba?

Kini ang gibutyag ni Rob Routs, executive director sa Royal Dutch Shell. Modugang sila sa ilang investments dinhi sa atong nasud aron ika-expand sa ilang oil refinery dinhi.

Ang Shell Philippines usa ka subsidiary niining Netherlands-based nga oil company. Gawas niini, ang Shell Philippines nag padayon sa ilang operation sa Malampaya Deep Water Gas Power project didto sa Palawan.

Sa laing bahin, nagpadayon karon ang pagpangulitawo sa atong gobiyerno sa Texas Instrument, Inc. niining laraw pagpalapad sa ilang operation dinhi sa Asia, aron nga kini anhi sa atong nasud, tukoron ... most probably sa Subic Bay Metropolitan Authority.

Atoa kini sila karon nag-operate sa Baguio city, ug ang Baguio, di na ka accommodate sa ilang expansion. Nagkinahanglan silag dugang 20 ngadto sa 30 ka ektaryang luna alang sa bag-o nilang planta.

Nahibawo ba kaha si Tomas ini no? Imagine kon anha ni mabutang sa kang Tomas (wa'ay labut si Gullas?) nga SRP!

Bida sag nganong di man ni sila magkasabot no? Kon ang tanan alang sa lungsod, kon wa'a silay gitagoan nga mga agenda ug mga intereses, nganong di man sila magkauyon sa ilang mga tinguha ug mga lakang?

Ikaw, Dro, unsa man goy gikasungian ining duha? Imposible ba gyung mahilot? Unsaon nato pagdani sa mga investors niini, kon mao kini ang atmosphere sa maong dapit? Suwayi konog paatubang silang duha, Dro. Unya duk-doka ang kon kinsa nila ang stubborn. Kon silang duha, dukduka silang duha.

Tingalig ikaw moy ilang dukdukon, Dro!