Ug naniudto sila Douglas woodruff
Ang Franciscano ug ang Heswita, nagdungan og paniudto. Ilang sud-an, duha ka mga sinugbang isda. Ang usa dako, ang usa gamay. Ang Heswita mikuha sa dakong isda ug iyang gihatag ang gamay ngadto sa Franciscano. Ang Franciscano nagkanayon: "Mao ba ni ang estilo sa mga Heswita?" Ang Heswita nangutana: "Unsay buot nimong ipasabot?" Ang Franciscano mitubag: "Sanglit gipuy-an ko man ang kakabus, kon ako pa ang nakauna og kuha, ako na untang himuon ang imong gibuhat diha sa paghatag nimo sa dakong isda ug kanako sa gamay'ng isda." Ang Heswita mitubag: "Mao ba? Unya kay nahimo ko man ang imong gusto, may reklamo ka?
Kon ugaling mohimo ka og maayo, dili na kinahanglanon nga kini imong ipasigarbo aron dili ka saypon nga usa ka hambugero.