EDITORYAL - Secret marshals vs. vandals

Kon nagsugod nag operate ang mga secret marshal sa PUJ mas maayo tingaling iapil nalang pud nila ang pagpanakop sa mga vandals nga manghugaw-hugaw sa atong mga paril ug poste ug mga bongbong sa mga bilding.

Sukad-masukad wa pa gyuy mga vandal nga nadakpan in action tungod kay bisan dunay nakakita gipasagdan ra kining ilang mga binuang.

Limpyohon man kaha gyud nato ang siyudad atol sa umaabot nga 12th ASEAN Summit, ilakip na lang sad nato paglimpyo sa mga kural and paril ug tinguhaon nga masikop kining mga batan-ong naghugaw-hugaw sa maong mga dapit.

Bisan ang mga paril nga gipanindot na pinaagi sa pagpintal og mga artwork nga dunay mahinungdanong mensahi gipang-sprayhan og mga way pus nga graffiti sa mga badlongong batan-on.

Ang secret marshals makatabang sa pagdakop niining mga vandals. Suwayan ta kuno.