Kaisog

(De Mello)

Usa dihang si Kruschev kusganon ug dayag nga nisaway sa rehimeng Stalin, usa sa mga anaa sa lawak sa kongreso ang nagkanayon: "Asa ka man kaubang Kruschev sa dihang gipamatay ang mga inosenteng katawhan?" Nihunong si Kruschev ug nangutana: "Mahimo ba ang tawo nga nisulti sa ingon motindog palihug lang! Adunay tension sa maong lawak. Apan walay si bisan kinsa nga nitindog. Si Kruschev nipadayon: "Karon si bisan kinsa ka ba, natubag na ang imong pangutana. Anaa ako sa sumang kahimtang diin ikaw anaa karon!"

Pamalandong

Ang kaisog usahay kutob lamang sa sulti apan wala sa buhat. Dugang pa, ang kaisog wala magkahulogan og paghasi-hasi ug paghawod-hawod. Hinunoa, ang kaisog nagkahulogan og paglaban kanila nga walay ikasukol og ang pagbarog sa kamatuoran taliwala sa bisan unsa nga linugdangan.