Mga bata

Tonne

Kaniadto sa dihang ang San Francisco usa pa lamang ka kolonya kang kansang mga lumolupyo mga minero sa bulawan, adunay pundok sa mga musikero nga nihunong una sa makadiyot aron modalit og mga mananoy'ng huni. Ginaingon usab nga nihit ra kaayo ang mga kababayen-an ingon man kabataan. Sa tungang bahin sa pasundayag, usa ka bata ang nihilak ug ningaab! Tungod niini usa ka dako ug bungotong tawo ang nisiyagit: "Palihog ato unang ihunong ang musika ug ato unang paminawon ang hilak sa usa ka bata! Dugay nakong nangandoy nga makadungog nianang bulahang huni! Giundang una ang pasundayag samtang padayon nga nitiyabaw ang maong bata. Ug wala lang tuyoa nga nangligid ang mga lusok sa mga luha sa mga lalaking walay asawa ug walay mga anak!

Pamalandong

Ang bata gasa gikan sa kahitas-an. Tam-is nga bunga gikan sa tiyan sa inahan. Busa angayan lamang nga atimanon, ampingan ang kabataan. Matutoon ug umolon aron mamahimong mga maayo ug responsabling mga lungsoranon.