Salamat kaayo kanimo Ginoo

Salamat kaayo kanimo Ginoo ning laing kasaulugan,
Sa Mahal Mong Kasingkasing uban sa Putling kasingkasing ni Maria Malumong Inahan,
Sa bug-os namong kasingkasing Ikaw among pagahalaran,
Sa mga pag-ampo kanunay'ng gipasidunggan

Kanimo Balaang Kasingkasing ni Hesus,
Sagupa intawon kining among kahigwa-os,
Kaguliyang karon ning atong Pilipinas,
Ikaw ra Mahal nga Hesus uban ni Maria Santisima ang makaluwas!

Mga pamunuan sa Pilipino wa na'y panaghiusa,
Mga kabtangan sa kina-iyahan daw sa wa na'y pag-amoma,
Unsa ma'y kaugma-on among maangkon,
Labi na's kabatan-onan karon intawon!

Ang Maaghop nga kasingkasing Mo Ginoong Hesus
Nasamdan sa mga kasakit ug mga pag-antos,
Mga luha sa Mahal nga Birhen Maria nagka-itos
Daw sa dili na hapit maka-antos!

Mahal nga Hesus, duyog sa mga kasakit nga Imong gihambin,
Gibati usab sa Mahal nga Birhen,
Kay ang kasingkasing Mo Hesus ug ang kasingkasing ni Maria,
Ti-unay'ng galangkob sa pagbating usa ra.

O Kasingkasing Malumo ni Hesus,
Dinuyugan ni Ma. Santisima Inahang Bug-os,
Mga Kapari-an usab intawon i-iway,
Ning mga pagtintal sa mga Sungayang "Inday",

Gamhanang Hesus, panlamdag ning among mga pamunu-an,
Ug ingon man sa tibuok kalibutan,
Ihikaw ayaw Mahal nga Manunubos,
Nga unta Makab-ot na namo Kahusay'ng Bug-os!
Hamiling Kasingkasing ni Hesus ug Putling kasingkasing ni Maria, Pilipinas Sagakaya