EDITORYAL — Nagbinuang sa texting pagbantay

Ang pagkakombikto sa usa ka Sugbuanon nga naggamit sa cellular phone diin iyang gipadad-ag binastos nga text messages ang asawa sa mayor sa Sugbo, ilhon nga "wake up call" ngadto sa mga tag-iyag cellphone nga migamit niini sa binuang nga paagi.

Madakpan man diay gyud ang magbinuang sa cellphone kun ang biktima niini moporsigi gyud sa pagpangita sa nagtinunto kaniya.

Suwerte lang kadtong ubang nag-text og binuang ug binastos ngadto sa ilang gikalagutan kay ang nauwahi wa lang maninguhang mailhan ug madakpan ang culprit.

Kon ang biktima magtinguha lang nga mailhan ang nagbinastos kaniya, ang mga tinugyanan sa balaod andam man motabang sama sa tabang nga gihimo sa NBI ngadto sa asawa sa atong mayor.