Apan, tungod kay di man gyud nila mabati ang hingpit nga kalipay, despite sa kadaghan na sa ilang kuwarta, padayon ang pagpangurakot aron makab-ot ang hingpit nga kalipay.
Ug tungod kay gikan sa yawan-on tinubdan ang kwarta, yawan-on usab nga kalipay ang atong maangkon. Nakasuway ka ini, Dro? Di gyud nato maangkon ang Langitnong kalipay dinhi sa kalibutan. Maoy hinungdan nga nagkayamukat kining atong kahimtang karon tungod kay ang kuwarta na roy nag-dominar sa atong kinabuhi. Lakip ang atong kalag ato nang gi-presyohan ug gibaligya.
Usa ka magtiayon sa Kentucky, USA, midaug og 34 milyones ka dolyar. Daghanang kwartaha. Ug sama kanimo ug kanako kon kita pay nakadaug sa maong kantidad, patuyang gyud tag gasto. Mao ni ang gibuhat sa magtiayon. Gasto dinhi, gasto didto. Mahalon nga mga sakyanan, mga mansion, wa matagbaw og usa ka mansion, gidaghan gyud, ni bakasyon bisan diing dapit sa kalibutan.
Unsay nahitabo sa magtiayon, after five years gikan sa ilang pagdaug sa lotto? Nagbuwag. Daghan god og kwarta, so they didn't need each other anymore. Moy gidangat. Hinuon, yano-yanohon man lang ning divorce sa America.
Ang bana namatay, gumikan sa subrang pag-inom, paghubog-bubog. Ang asawa, namatay, nag-inusara sulod sa bag-o nilang pinuy-anan. Dimalasa no? Maypag wa'a kadaog sa lotto!
Kinsa man diay ang makahatag sa tim-os nga kalipay? Matud dinhi: When it comes to happiness, Only people you love, and who love you, can bring it. If you have enough money to buy yourself a luxurious yacht, but no real friends to sail with, you're sunk. Malunod ka!
Si Elvis Presley mipahimangno: Sharing money is what gives it its value. Sa ato pa, kon dili nimo i-share ang kwarta, wa'a ni bili. Sharing, dili ipamalit. Kon ang mga pinaspasan mong kuwarta imong i-share pinaagi sa pagpamalit og votes, wa'a ni kalipay. Suma'a, di pa gani mahuman ang counting ug canvassing, dugay nang nitipon sa yuta ang kuwarta nga gibayad sa imong vote. Ang kalipay sa naghatag ug nidawat dali dang nahanaw.
Tinuod, ang kalipay di mapalit tungod kay di man for sale! Tuo lang gyud ini Dro!
Komentaryo? Text 0916-6488650.