Dakong pundo alang sa edukasyon

Ang World Bank miaprub sa $200 milyones nga loan sa Pilipinas alang sa pagpauswag sa edukasyon sa nasud.

Sa nahibaw-an na adunay problema ang edukasyon sa Pilipinas diin anaa kini nahimutang sa listahan sa mga nasud diin menos kaayo ang kalidad sa math ug science classes.

Kining $200 milyones nga pautang sa WB maoy usa sa labing dako nga loan nga naaprobahan alang sa Pilipinas. Ang maong kantidad gamiton alang sa National Program Support for Basic Education project diin ang katuyuan niini mao ang pagpauswag sa kalidad sa basic education.

Manghinaut kita nga ang $200 milyones gamiton gayud sa katuyuan diin kini giaprobahan sa WB. Dako kaayo kining kantidara ug makatabang gayod sa pagpauswag sa quality of basic education sa Pilipinas.