EDITORYAL — Cebu Customs giilogan, ngano kaha?

Unsa may naa sa Cebu Customs nga daghan man ang interesado mamahimong collector niini?

Dili man dako kaayo ang suweldo sa district collector sa Cebu Port apan nanag-ilogay ang mga interesado sa maong puwesto.

Masigkapyot og politiko ang gustong mamahimong district collector sa Customs dinhi sa Sugbo. Mag-insultohay pa gani. Magdina-utay. Magpahambugay sa ilang abilidad. Sa tinguha nga makuha ang puwesto.

Ngano kaha ni no? Unsay anaa diha sa Cebu Customs nga daghan man ang gustong mo-hari o ma-rayna diha?

Naa bay bato-balani diha nga mobira sa mga tawo sa gobiyerno nga gusto mamahimong collector?

Bisan ang mga customs collector nga maayo nang pagkapahimutang sa ubang puwerto -- sama sa Iloilo Port, Cagayan de Oro Port, Zamboanga Port, etc. -- gustong mobiya kay mobalhin sa Cebu Customs.

Unsa kahay naa sa Cebu Customs nga giilogan man sa mga tawo sa Bureau of Customs?

Pangutana kini sa daghang naniid sa mga kalihukan sa BOC dinhi.