EDITORYAL — Kasugoan nga wa matuman

Diha toy kasugoan ang kagamhanan diin sukad sa nahitabong pagkahilo sa daghang mga bata didto sa Bohol human kini mikaon og puto balanghoy wala nay tugotan sa pagbaligyag makaon gawas sa mga eskuwelahan.

Ang kasugoan nagkanayon nga matag eskuwelahan maghimog ilang kanten diin ang mga bata mopalit sa ilang makaon atol sa recess.

Wala kini matuman ug pruweba niini mao ang daghan gihapong namaligyag makaon atubangan sa mga eskuwelahan publiko kun public school.

Hinuon, dili kini kahibudngan kay ingon man gyud kitang mga Pinoy niana. Abtik manguros inig kilat. Pagkahuman wa na.

Dali kaayo mipakanaog og kamandoan ang gobiyerno-- pinaagi sa departamento sa edukasyon -- diin magtukod ang kada eskuwelahan (elementary school) og student canteen alang sa kaseguroan sa panglawas sa mga bata. Apan natuman ba kini?

Nalimtan na ang maong order. Buhion nasab ni kun aduna nasay mangahilo nga mga bata. Simbako lang.