Dalawang lespu pumatay sa media practitioner

NAGBUNYI ang Alyansa ng Filipinong Mamamahayag (AFIMA) kasama ang CAMANAVA Press Corps at lahat ng media practitioner sa Pinas porke na-solved na ang karumal-dumal na pagtigok kay Alberto Orsalino, photojournalist ng diyaryong Saksi.

Inaabangan ng mga reporters sina Jail Officer 1 Reynaldo Nicolas, 23, nakatalaga bilang hoodlum este mali jail guard pala sa Navotas Jail at ang kasama nitong isa pang gago este mali jail guard pala na si Jail Officer 2 Ramon Rivera, dating hoodlum este mali guardia sibil sa karsel ng Cainta Municipal Jail.

May tatlo pa palang kasama ang dalawang guardia sibil na sinasabing bumoga kay Orso. Hinihintay na rin kayo ng mga reporters para iharap sa kanila para naman makita ang kagandahan lalaki ninyo sa radio at television.

Anumang oras mula ngayon ay babagsak ito sa kamay ng mga tulisan este mali kapulisan pala sa pangunguna ni PNP Senior Supt. Nap Cuaton, bossing ng SIDMB. Congrats classmate sa matiyagang pangangapa sa mga culprits!

Malalim ang dahilan kung bakit tinigok ng mga gago si Orso nasaling kasi ng ating bida ang sindikato sa Malabon dahil bukod sa media practitioner toits ay kagawad pa ng barangay sa kanilang place.

Palagay ng mga kuwago ng ORA MISMO, marami pang mahuhulog sa kapulisan dahil parang mafia pala ang nangyari sa pagplanong pagtigok sa ating bida na namayapa na ngayon. Sumalangit nawa ang kanyang kaluluwa.

Amen!

Balita ng AFIMA nagtatago ngayon ang dalawang mastermind na bandido sa tipan ng kanilang ermat. Kasi alam nila ang sasapitin nila kapag nagkataon.

Kasong murder pala ang isasampang kaso sa mga gago kaya no bail recommended toits. Ika nga, mabubulok sila sa karsel. Bhe, buti nga!

‘‘Matatahimik na siguro ang spirit ni Orso dahil bukayo na ang mga culprits’’ sabi ng kuwagong manghihilot ng pilay.

"Palagay ko dehins pa dahil at large pa ang mga gago’’ anang kuwagong haliparot sa Kaloocan City.

‘‘Pero may linaw na ngayon regarding sa murder case.’’

‘‘Kaya nga inaabangan na sila ng mga reporters kapag nasungkit sila ng lespiak, sabi ng kuwagong SPO-10 sa Crame.

‘‘Ano sa palagay mo ang gagawin ng mga reporters sa mga gagong pumatay sa kanilang kabaro kapag nahuli?’’ tanong ng kuwagong Kotong cop.

‘‘Palagay ko kikilitiin sila hanggang sa tumawa sila nang todo’’

‘‘Iyan kamote ang abangan natin.’’