EDITORYAL – Pugngan ang disgrasya

Lain na sang pabrika sa pabuto (rebentador) ang miulbo didto sa usa ka barangay sa dakbayan sa Lapu-Lapu di pa lang dugay. Usa ang namatay.

Sa gihapon, ang kapolisan na sang gibasul sa nagpadayong iligal nga pagpanghimog pyrotechnic products, lakip na ang pabuto kun rebentador. Natural ra kini. Apan....

Makatarunganon ra tingali nga paambiton sab sa responsibilidad ang mga opisyal sa mga barangay diin nahimutang ang mga pabrika sa pabuto.

Ang polis gud wala man magpirmihan sa barangay samtang ang mga opisyal sa barangay anha gyud nanimuyo ug sayon ra alang kanila ang pagbantay sa kalihukan sa mga pabrikante sa pabuto.

Di sab husto nga kulban sa ko'n ang mga tighimog pabuto pinaagi sa pagpasira sa tanang pabrika. Kinahanglan sab sila mabuhi. Apan kinahanglan ipatuman ang mga lagda alang sa luwas ug responsabling pagpanghimog pabuto. Ug dinhi ining dapita magamit ang buhatan sa mga opisyal sa barangay.