Ang tadyaw sa bino

Gikaguol sa mga parokyano ang balita nga balhinon na diay ang ilang padre kura. Kini tungod kay ang maong pari, buotan, matinabangon ug masinabtanon kaayo kanila. Busa aron mas mabulokon ang pagbiya sa maong pari, nagkasabot ang mga parokyano nga mohatag sila'g gasa ngadto kanila. Human sa mga pagsabot-sabot nga bino ang ilang ihatag nga gasa sanglit, mahiligon man sa bino ang maong pari. Busa usa ka dakong tadyaw ang gibutang taliwala sa plasa sa maong dapit.

Niabot ang adlaw nga nagkatigom ang mga katawhan aron mopresentar sa ilang gasa ngadto sa ilang padre kura. Human makapasalamat ang pari tungod sa kamanggihatagon sa katawhan ug sa ilang pagkamaunongon, nagkawos siya og usa ka baso gikan sa maong tadyaw aron tilawan ang bino. Apan bugtong tubig lamang ang midapat sa iyang mga ngabil.

Pamalandong

Walay maayong ibunga ang dili tiunay nga paghatag. Kay diha sa pagpanglimbong mahimugso ang kawalay pagsalig sa usag-usa.