Tigbuhat og Sabon: Rabbi, unsa may pulos sa relihiyon? Kay tan-awa, padayon lang gihapong gisinati sa katawhan ang kapaitan, inhustisya, og kalisdanan nga unta gitudlo man unta sa relihiyon ang mahitungod sa hustisya, kalinaw og gugma? Apan bisan pa niini, nganong nahitabo man kining mga butanga sa kalibutan?
Apan ang Rabbi wala gyud motubag ni mobuhi og pipila ka mga pulong ngadto sa tigbuhat og sabon. Sa tanto nilang lakaw nakakita sila og bata nga bulingit nga malipayong nagdula-dula sa daplin sa dalan. Ang Rabbi na pud ang nangutana.
Rabbi: Dili ba ang sabon, makalimpiyo sa lawas sa tawo? Apan nganong daghan man gihapon ang mahugaw og balik bisan pa og hutdon nila ang tanang mga sabon sa tibuok kalibutan? Unsa may pulos sa sabon? Nagduda na hinuon kon epektibo ba kini kaayo?
Tigbuhat og Sabon: (Niprotesta). Apan Rabbi, magmapuslanon lamang ang sabon kon kini gamiton!
Rabbi: Husto ka. Ingon ini usab ang Relihiyon.
Pamalandong
Walay pulos ang pagtulon-an nga gibatbat sa bisan unsang relihiyon kon kini dili puy-an sa konkretong paagi. Ang pagbaton og espirituhanong kalimpiyo nagkahulogan og makanunayong proseso sa tawhanong kinabuhi maingon nga ang tawo kinahanglang maligo matag adlaw aron siya malimpiyo