Ang mga basurero!

Nalipay ta, nga at last, sa dakbayan sa Mandaue, si Konsehal Carlo Fortuna nakahunahuna pag-provide og mga safety gear sa mga basurero. Matud niya, ilabina sa gabii, prone sila to accident tungod kay waa silay mga kahimanan o mga devices aron kalikayan ang vehicular accident, samtang nagtrabaho sila. Very good. But let us go further. Ug dili kay sa Mandaue lang, kondili sa tanang mga basurero sa tibuok nasud.

Sa Amerika, sumaa sa atong makita sa mga salida sa sine, kompleto sa mga safety ug sanitary gear ang ilang mga basurero.

Apan, dinhi sa ato, magkinamot lang sila, mag-tsinelas, mag-kamisin lang, mag-shortpants, sa ato pa, exposed kaayo sa hugaw ug pollution.

Ambut ngano nga di man ma-guilty ang atong gobiyerno nga magsud-ong sa kahimtang sa atong mga basurero.

Kon duna tay daghang kwarta ipamalit og mga brand new nga mga sakyanan alang sa atong mga konsehal ug ubang kadagkuan sa gobiyerno, nganong waa man tay kwarta aron unta ipalit og mga gamit sa atong mga basurero aron di sila ma-exposed sa hugaw ug mga aksidente.

Hinuon, kinsa man nang mga basurero, itandi sa panginahanglan sa mga halangdon natong mga konsehal. Dimalasa gyud nimo Dro, uy!

Ingon sila, bayan muna, tao muna, bago sarili. Apan, sa atong makita, sarili muna, at sarili hangtud sa hangtod. Kon dunay mahibilin, una pa ang bayan, una pa ang tao, una pa ang mga basurero. Unya, sagad waa man gyuy mahibilin, sorry ka na lang, Mr. Garbage Collector!