EDITORYAL – Ang international language

Usa ka opisyal sa gobyerno didto sa Manila mipadayag sa iyang kabalaka nga ang kalidad sa spoken Tagalog sa daghang Pilipino mi-us-os. Busa misugyot kini nga higpitan ang pagtudlo sa Tinagalog sa mga eskuwelahan.

Abi ba to nato nga ang angay'ng kabalak-an mao ang nagkamenos nga kalidad sa Iningles sa atong katawhan ilabi na sa kabatan-onan.

Sa ubang dapit sa kalibutan diin "no speak English"ang mga tawo -- ug kun "speak English" man gani mora kinig pidgin English -- ang giduso pag-ayo ning panahona mao ang linguwaheng English.

Sa China, Japan, Russia, Indonesia, etc. nakamata na ang kagamhanan sa kaimportante sa English kun Iningles busa mipasiugda sila og seryosong "Speak English program" dili lang sa mga eskuwelahan kundili usab sa mga buhatan.

Lahi dinhi sa atong nasud. Hangtud karon morag wa gihapon kita magtuo nga ang English maoy akseptadong international language.