Paglaum

Bro. Andrew Ma. Almonte, MMHC

Usa ka abyon ang nahagsa taliwala sa usa ka disyerto. Ang maong balita nakaabot sa kadaghanan ug busa, gipadala dayon ang usa ka rescue team. Mikabat una og pipila ka mga semana una nakaplagan ang nahagsang abyon. Bugtong usa ka tiguwang babaye lamang ang nakaplagang buhi gikan sa maong trahedya. Busa gidali pagdala sa ospital ang maong tiguwang ug sa dihang kini hingpit nang naayo, gipangutana dayon kini sa mga reporter sa iyang lawak sa hospital: "Sa unsa mang paagi nga ikaw naka-agwanta sa maong kahimtang nga unta, wala naman ka'y mga kauban, tubig ug makaon?" Ang tiguwang mitubag: "Tinuod ang inyong gipamulong nga nahutdan ko sa inyong mga gipanghisgutan sa unahan, apan adunay usa ka butang nga nakahatag kanako og kalig-on ug kaisog og kana mao ang paglaum!"

Pamalandong

Ang paglaum maoy makapabungkag sa bisan unsang babag sa tawhanong pangindahay.