Binato ka ng bato, batuhin mo ng tinapay

EIGHT YEARS nang nagsisiping sina Kuyang Terence at sister Maryanne Coseip masaya ang kanilang relasyon dahil tumagal sila ng walong taon kahit tsik boy si kuya. Joke, joke, joke!

Sa mga bebot na umaasa pa kay Kuya Terence huwag na ninyo siyang pansinin dahil mabait na raw siya? He-he-he!

Sana Kuya mahalin mo nang husto si sister Maryanne kaya lang mag-family planning kayo. He-he-he! Belated Happy Wedding Anniversary sa inyong two.

Ang isyu, sana maayos na ang lahat regarding sa Ultra tragedy dahil ito na lamang ang halos laman ng diyaryo, radio at telebisyon kaya naman naiiwan sa kangkungan ang ibang malalaking stories.

Inamin na naman ng mga bossing ng ABS-CBN na sasagutin nila ang lahat ng problema regarding sa stampede incident. Sabi nga, palibing dito, palibing doon, ospital dito, ospital doon, bayad dito, bayad doon.

Kung may kasalanan man nagawa ang ABS-CBN tiyak hindi nila pababayaan ang madlang people na nakamote sa Ultra. Dehins kinakampihan ng mga kuwago ng ORA MISMO, ang ABS-CBN talagang meron silang kasalanan todits nagkaroon ng kapabayaan sa part nila pero inaamin nila ito.

Mabigat ang kinakaharap na kaso ng ABS-CBN pero alam naman ng mga kuwago ng ORA MISMO, na dehins nila pababayaan ang mga victims.

Wala na tayong magagawa pa dahil dehins na natin maibabalik ang buhay ng mga namatay ang importante ay huwag talikuran ng ABS-CBN ang kanilang pangako. Sabi nga, pangakong mapapako?

Tingnan natin ang aksyong gagawin ng pamunuan ng ABS-CBN at kapag pumalpak sila tsaka tayo umatungal na parang baka. He-he-he!

Nakita ng mga kuwago ng ORA MISMO, na sinsiro si Gabby Lopez sa kanyang mga binitiwang salita sa madlang people kaya huwag natin hugasan este mali husgahan pala ito.

‘‘Ikaw ba ang PR ng ABS-CBN?’’ tanong ng kuwagong naapakan ng matabang babae sa Ultra.

‘‘Hindi po!’’ sagot ng kuwagong maninisip ng kuhol.

‘‘Bakit mo ipinagtatanggol ang ABS-CBN may pamilya o kaibigan ka bang nasama sa indulto dito?’’ tanong ng kuwagong Kotong cop.

‘‘Wala po’’ sagot ng kuwagong haliparot sa kaba-ret ng Kalookan City.

‘‘Ganoon pala bakit mo ipinagtatanggol ang station?’’

‘‘Wala akong station ng tren na ipinagtatanggol,’’ sagot ng kuwagong SPO-10 sa Crame.

‘‘Eh bakit ganun ka?’’

‘‘Kasi kamote hindi ako ganoon, he-he-he’’!