Taiwan!

Sige man silag ingon nga angayan kunong ikapasigarbo kining atong pagka-Pinoy. Be proud to be a Filipino, matud pa. Mao ba?

Ang atong utang Dro, kapin nas tres trilyones ka pesos. Giila kita nga labing corrupt ning dapita sa kalibutan. Unya, laing kabus, ug labing under-developed nga nasud.

Unya sa atong gibalik-balik dinhi, nahimo kitang ukay-ukay capital ug surplus dumpsite dinhi sa Asia. Mo nay angay ipasigarbo?

Anyway, mga hambugero man gyud ta, suwayan kuno natog tandi ang atong nasud ug ang Taiwan. Ikaw na lang unya Dro ang provide sa mga information bahin sa atong nasud against sa mga kasayoran bahin sa Taiwan. Tan-awag di ba ka manglipaghong sa kauwaw.

Ang Taiwan gamay ra kaayo in area, mga 36,000 sq. kms. lang Population: 22.68 milyones da ka tawo, pupareha rag Mindanao. Ang total trade balanace: $278 billion, ika-15ng dapit sa tibuok kalibutan. Kita, Dro, ikapila ta worldwide?

Foreign exchange reserve: $231.6 billion, ikatulong dapit sa tibuok kalibutan. No foreign debt. Akong usbon, Dro, no foreign debt. Ako pa gyung usbon, in case waa nataligam-an kini sa atong mga lider dinhi sa atong nasud: No Foreign Debt. No Foreign debt. Di ka mauwaw ini Dro? Waa ba mauwaw ang atong mga lider ini?

Global growth competitiveness: 5th place. Kita Dro, hai man ta mahimutang nga nagsige man lang tag pa-sirit tubig sa bombero ngadto sa mga tawo nga nag-express lang sa ilang kahigwaos ning atong kahimtang karon?

Investment climate sa Taiwan: 5th place gihapon. Kita, hai man ta mahimutang nga matud pa, ang uban ni-pull out na man gani? Literacy rate: 96.97%. Taas kaayo. Ug di kinahanglan ngilngig sa Iningles kon literacy ang hisgutan. E-government performance: 1st place. Internet users: 8.830 milyones ka tawo, hapit makatunga sa ilang population. Kita, maayo lang tas text-text, tsismis ray gaayo nato. Waa gyuy labut sa kaugmaran.

So, mao ni ang brief kaayo nga kasayuran bahin sa Taiwan. Ikaw na lay compare niini Dro sa atong nasud. Tan-awa hain ta dapit. Proud to be a Filipino?