EDITORYAL – Bibliya: Yawe ngadto's kalinaw

Gisaulog karon sa nasud ang National Bible Week. Gisugdan kini adtong miaging Enero 22 ug mahuman unya sa Sabado.

Ang maong kasaulogan gihangop sa mga nagtuo ug nagsunod sa pulong sa Ginoo kay ang Bibliya mao may nagdala sa tingog ug pulong sa atong Manunubos.

Matud ni Catholic Bishops Conference of the Philippines (CBCP) president Archbishop Angel Lagdameo angay lang nga saulogon ang National Bible Week tungod kay ang Bibliya maoy dalan paingon sa kahusay ug kalinaw.

Manghinaut kita nga kining maong kalihukan nga gipasiugdahan sa Philippine Bible Society magmalampuson kay ang kalampusan niini maoy timaan nga ang nasud nga Pilipinhon nagtuo sa pulong sa Diyos.