EDITORYAL – Namantsahan ang Sinulog 06

Sa dayon nang ipahigayon ang kasaulogan sa ika-26 nga anibersaryo sa Sinulog festival, dihay pangutana: "Angayan bang paapilon sa Sinulog parade ug mardi gras ang duha ka nanag-away'ng mga fraternity dinhi sa Sugbo?"

Gipasupot ang maong pangutana gumikan sa kagubot nga nahimo niini sa nanglabay'ng Sinulog. Daghan ang milingo-lingo isip tubag.

Apan gitugotan gyud sa pag-apil sa parade ang usa ka frat kinsa nailhan na sa pagkanotoryus ang pipila ka sakop niini.

Wa gyud nasayop ang mga naglingo-lingo. Nagkagubot gyud. Sa makausa pa tungod niining mga badlongong sakop sa fraternity, namantsahan ang miaging Sinulog festival.