Koleksiyon

Tonne

(Gikasubo ko mga igsuon nga nahunong og kadiyot ang atong lindog sanglit sa milabay'ng pipila ka mga adlaw kining tagsulat nag-andam man sa pagpalubong sa nitaliwan niyang amahan. Salamat sa inyong pagsabot - Tagsulat)

Sa panahon nga malisod alang kaniya ang pagpangita og trabaho, usa ka tawo ang mihalad og singkwenta sentimos panahon sa kolekta. Pagkasunod adlaw, nakadungog siya nga duna kunoy bakante nga trabaho. Apan ang plete paingon didto igo-igo na lang nga moabot gyud didto og wala na siya'y maplete pauli. Apan dunay nindot nga plano ang Dios alang kaniya. Kay sa dihang naglakaw-lakaw siya aron mangita og kasakyan, nakakita siya og karatola: Help Wanted. Nakatrabaho siya og nahimong napilo sa kapulo ang iyang singkwenta sentimos niyang gihalad!

Pamalandong

Makadawat ka og mas daghan pa sa imong gihatag.