Sa matag tuig, mao kini ulion nganhi sa Cebu sa mga Sugboanong tua sa layong dapit manginabuhian.
Apan, adunay usa ka importante ug dakong butang nga angayan natong mahibaw-an, ang unang nagpasiugda sa Sinulog sa Sugbo.
Si kanhi Customs District Collector David "Boy" Odilao, Jr., daw hapit na malimti nga siyay unang nagpasiugda sa Sinulog kang kansang konsepto namugnang puro parada alang sa pag-ampo pagyukbo sa Balaang Bata.
Sibo lang nga ilhon si Odilao isip Amahan sa Sinulog. Wala usab ikahangol ni Odilao ang pagsabwag sa kamatuoran nga uban kaniya pag-umol sa konsepto sa Sinulog ang nabantog nga sports-writer nga si Atty. Maning Oyson.
Apan subo lang palandungon nga ang ilang orihinal nga konsepto giguba sa mga opisyal sa kagamhanan mismo aron paghawan sa dalan alang sa turismo, hangtod natabunan sa "commercial" nga aspeto ang tinuod nga kasaulogan sa Pista Señor.