EDITORYAL – Mapapha kaha ang mga makililimos?

Ang City Hall mimugna og usa ka task force kinsa gitahasan sa pagpanikop sa mga makililimos, labi na mga bata, sa kadalanan.

Ubay-ubay na sa maong mga makililimos ang nangahipos sa giingong task force. Magpadayon ang maong pagpanghipos hangtud nga wala na gyud kitay makitang makililimos sa atong kadalanan.

Kini sumala sa usa ka konsehal kinsa maoy gitahasan sa pagseguro nga ang gilusad nga task force magmalampuson.

Daghan ang makigpustahanay nga kining tinguha nga limpyohon ang kadalanan og makililimos dili gayud molampus.

"Mobalik gihapon sa kadalanan kining mga gipanakop human kini kabuhii sa dakbayan," suma pa nila.

Nagtuo usab kami nga dili gayud mapapha kining mga makililimos samtang ang ekonomiya sa nasud nagkamuritsing pa.

Usa sa dakong opisyal sa Asian Development Bank nagkanayon: "Beggars will always thrive in countries whose economies are in disarray."