Ang buta ug ang bakol

Willi Hoffsuemmer

Naabtan ang buta ug ang bakol sa dihang nasunog ang lasang. Gidaog sa kahadlok ang duha. Tungod sa kahadlok, nidagan ang buta, paingon sa kalayo. Ang bakol misiyagit: "Ayaw paduol diha kay masunog ka!" kon mao asa man ko paingon? Sukna sa buta. "Makatudlo ko nimo kon asa ang nindot agian. Apan kinahanglan nga imo kong alsahon. Makatudlo ko nimo kon hain ang mga halas, ang mga tunok ug ang kalayo. Ning paagiha, makalingkawas kita gikan ning maong kadaut. Nakahinuklog ang buta sa kaayohan ning maong paagi. Sukad niato, nagtinabangay silang duha.

Pamalandong

Walay si bisan kinsa nga mabuhi alang sa kaugalingon lamang. Kitang tanan dunay kaakuhan ug tulobagon sa matag usa. Walay kumo sa pagtinabangay kay bisan habog nga bukid, mahimo mang patagon.

* * *

Pag-ampo sa pagkamalinawon

Christopher Notes

Dios, hatagi ko sa kalinaw nga modawat sa mga butang nga dili gyud nako mausab. Sa kaisog sa pag-usab sa mga butang nga mahimo kong usbon ug sa kaalam sa pagtan-aw sa maong kalainan.

Pamalandong

Ang Dios wala magpaabot nga mohimo kita og mga butang nga dili kasarangan. Hinunoa, gipaabot kita Niya nga mohimo og mga ginagmay'ng mga lakang nga dunay dili kasarangang gugma. Diha sa kayano ug sa kamatinud-anon, makatampo kita alang sa paghimo og kalainan sa matang sa kinaiya, panlantaw, og pagkinabuhi, nga gipuy-an karon sa atong kapanahonan.