Pilot ni Hello Garci nasa Pinas ulit

NAKITA at kinawayan pa ng asset ng mga kuwago ng ORA MISMO, si Capt. Art Santos, ang pilotong nagpalipad sa eroplano ng Subic Air Lear jet na may body number RPC –1426 na sinakyan ni Hello Garci going to Singapore.

Nagpalamig kasi si Art kaya nagpunta ito kamakailan sa Malaysia ang akala ng mga asset ng kuwago ng ORA MISMO, dehins na siya magre-return of the comeback sa Pinas. Ika nga, Philippines my Philippines pa rin sa puso ni Art!

Akala siguro ni Art tapos na ang isyu ng Hello Garci pero nagkamali siya. Sabi nga, maling akala. Ngayon mukhang kakasuhan si Art ng perjury for story telling a lie.

Naku patay kang tatang ka. He-he-he!

Mariing itinanggi kasi ni Art na dehins niya inilipad si Hello Garci noong July 14 going to Singapore. Si DOJ Secretary Raul Gonzales na ngayon ang kalaban ni Art.

Sabi nga, ng kaparian Katoliko nakatitik sa batong kinuha ni Moises sa Mt. Sinai na huwag kang magsisinungaling. Kasama ito sa Ten Commandments ng God the Father, korek ba, Padre Damaso?

Nagsalita kasi ang Singapore government regarding the arrival of Hello Garci sakay ng eroplanong pinalilipad ni Art and his co-pilot noong nasabing petsa.

‘‘Mukhang magkakatalsikan ng laway at magkakabulul-bulol si Art oras na pinatawag na siya ng Senado,’’ anang kuwagong number one liar.

‘‘Bakit naman?’’ tanong ng kuwagong bolero.

‘‘Hindi ba pilit nilang itinatanggi na wala ang pangalan ni Hello Garci sa flight manifest ng eroplanong pinag-uusapan.

‘‘Ngayon nagkatotoo si Hello Garci ay sakay ng eroplano pag-aari ni Pepito Alvarez at dinala sa Singapore’’ anang kuwagong SPO-10 sa Crame.

"Hindi ba ganito rin ang sinasabi ni ATO bossing Nilo Jatico sa public na alaws si Hello Garci sa eroplano ni Pepito noong July 14’’

‘‘Ano kaya ang penalty ni Art?’’

‘‘Bukod sa story telling a lie regarding Hello Garci issue ay over the limit pa ang kanyang age ni Art nang ilipad niya ang una going to Singapore.’’

‘‘Tiyak kamote sila lang ang makakasagot niyan!’’

‘‘Abangan.’’