Ang bili sa inahan

Usa ka adlaw niana, gipangplastar sa usa ka amahan ang tanan niyang mga medalya, og mga tropeyo lakip na ang mga tropeyo ug sertipiko sa iyang duha ka mga anak lalaki sa usa ka hawanan. Ang maong mga tropeyo ug mga sertipiko, mga daog niya ug sa iyang mga anak sa nagkadaiyang natad sa paugnat sa kusog. Ang amahan mibugal-bugal sa Inahan nga walay igong mga sertipiko, mga medalya, ug mga tropeyo nga ikapanghambog. Sa sunod adlaw, nakita sa amahan ang nadugang sa iyang mga gipangplastar. Duha ka mga Birth Certificates sa iyang mga anak nga gipahimutang sa inahan tupad sa mga tropeyo ug mga medalya.

Pamalandong

Usahay mabalewala nato ang atong mga inahan. Hibaw-i baya, nga utang ta sa atong inahan ang atong kahimtang karon. Kon unsa kita karon, tungod ni sa atong mga inahan nga niamoma ug nipatubo kanato.