Pamalandong |
Tulo ka andana sa langit
Nagdungan og kamatay ang sacristan, ang pari og ang Obispo. Didto sa langit dunay tulo ka mga andana. Sa pagduko sa sacristan gikan sa Kinatas-ang andana iyang nakita ang iyang kura didto sa ubos. Ang sacristan nituwaw: Padre! Padre! Naa lagi ka diha?" ang pari mitubag dayon pagsinyas sa sacristan nga mohilom. "Ayaw'g saba kay tua si Monsenyor sa kinaubsan!"
Ang pagkab-ot og kaluwasan wala mag-agad sa imong kahimtang dinhi sa kalibutan kondili sa imong mga binuhatan kon naningkamot ka ba sa pagpuyo sa mensahe og sa kinaiyang Kristohanon. Kay matud pa ni Jesus: "Dili tanang mosangpit og Ginoo, makabaton og kinabuhing dayon."