Chop-chop King sa NAIA

ALAM kaya ni retired General Nesterio Gualberto, bossing ng National Customs Police ang ginagawang kagaguhan ni Lt. Mambubukol sa arrival area ng NAIA Terminal 2.

Pa-check mo General Gualberto sa katulisan este kapulisan mo sa arrival para malaman mo ang kawalanghiyaan ng isang Lt. Mambubukol diyan.

Bukod sa saksakan ng yabang si Lt. Mambubukol saksakan pa ng takaw sa pitsa. Sabi nga, tulisan ang dating ng kamote!

Siya pala ang itinalagang chop-chop king ng bagong upong bossing nitong bebot sa airport kaya naman ang mga kasamahan nitong nasa gate ng Terminal 2 ay nag-iiyakan porke tinatapyas ng pitsang para sa kanila.

Ika nga, katakut-takot na pambubukol ang ginagawa.

May kita kasi sa Termimal 2 kaya active si. Lt. Mambubukol na umistambay ulit dito dahil marami siyang ganansiyang nakukuha lalo’t pag dumarating ang eroplano ng PAL from Inchon at Seoul, PAL from Bangkok, PAL from Hong Kong, PAL from Japan at PAL from US of A.

Parang buwitre itong nakabantay sa mga tsekwa, japok, kimchi at noypi dito dahil alam niyang may pitsa siyang makukuha.

Siya kasi ang taga-chop-chop ng lagum (intelihensiya) na nakukuha sa mga pasaherong nagpapalusot at dehins nagbabayad ng buwis.

In short, talo ’toits ang barbero sa gupitan ng Pitsa.

Kaya kapag mahina-hina ang mata mo kay Lt. Mambubukol tiyak ang pitsang para sa iyo ay mababawasan ng ilang porsiyento.

Sabi nga, bantay salakay si Lt. Mambubukol.

Kapag wala pa sa schedule ang mga eroplanong nabanggit ni anino ni Lt. Mambubukol ay hindi mo makikita sa paliparan dahil nasa pier naman ang gago at abala sa kanyang brokerage.

Sabi nga, may conflict of interest ang hunghang!

‘‘Alam kaya ni Gualberto ang gawain ni Lt. Mambubukol sa airport?’’ tanong ng mga kuwagong nabukulan.

‘‘May police power ang mga bataan ni Gualberto kaya puwede nilang kalawitin si tekamots.’’

‘‘Super untouchable kasi si Super Mambubukol sa kanyang mga superiors. Why kaya?’’

‘‘Kinukunsinti ng mga amo niyang binubukulan niya kamote.’’