Iba't ibang dahilan ng pagkahilo

NAKARANAS na ba kayo ng pagkahilo? Marami ang dahilan ng pagkahilo. Maski ang mga malulusog na tao ay maaaring makaranas nito. Karaniwang nagiging dahilan ng pagkahilo ay shock, dehydration at matagal na pagtayo. Ang biglang pagbaba ng presyon ng dugo at ganoon din ang maikling interruption ng daloy ng dugo mula sa puso patungo sa utak ay nagiging dahilan ng pagkahilo. Ang anemia, sakit sa puso, at circulation disorders ay maaaring maging dahilan ng pagkahilo.

Ang paulit-ulit na pagkahilo ay hindi dapat ipagwalang-bahala. Ikonsulta ito sa doctor.

* * *

PASINGIT: Ang Character Building Foundation (CBF) sa pakikipagtulungan ng mga kilalang personalidad sa tinaguriang "Golden Years of Radio" ay magtataguyod ng workshop upang luminang ng talento at mapaunlad ang kaalaman sa pamamahayag.

Tampok sa workshop sina Lito Gorospe, Ben Aniceto, Tina Loy at Jo San Diego. Sa iba pang detalye tawagan si Joyce sa 8905321.