Pinamumugaran ang mga bilyarang ito ng mga kabataang estudyanteng umiinom, naninigarilyo at nagsusugal sa pamamagitan ng pustahan. Ito’y ayon na mismo sa mga estudyante naming asset, ilan daw sa mga bilyarang ito, ‘‘outlet’’ ng droga.
Matapos naming maipalabas sa BITAG nitong nakaraang Sabado sa IBC-13, kung saan positibo ’yong tip na ibinigay ng aming asset na estudyante. Ito’y pagkatapos silipin ng BITAG kasama ang Special Operations Group ng Manila City Hall-WPD ang JACA BILLIARDS sa may Recto na hindi kalayuan sa University of the East at FEU.
Ang inirereklamong JACA billiards na pag-aari nitong hambog at preskong intsik na panot na nagngangalang ROMAN TY.
Sa loob ng tanggapan ng SOG sa Manila City Hall, nasaksihan ko kung papaano nagwala itong si Ty. Galit na galit sa team leader ng SOG na nakasama ng BITAG na si SPO4 Vic Batara.
Kinukwestiyon nitong tsekwang si Ty, bakit daw dinala ang kanyang mga empleyado na walang working permit sa SOG headquarters ng City Hall. Sinama na rin ang mga menor de edad na estudyante para ‘‘mapangaralan.’’
Nagpuputak itong si Ty na nakainom ’nung gabing iyon, ’nung hindi ko na makayanan ang tabas ng kanyang dila kung papaano sermunan ang team leader na si SPO4 Batara, agad kong ipinakita sa kanya ang tunay na pagiging brusko.
Nang hindi niya na makayanan ang aking bruskong sunud-sunod na pagtatanong, ‘‘naihi’’ ata sa kanyang lawlaw na karsunsilyo, agad tumalikod dali-daling lumabas. Tsk… tsk…tsk…
Mensahe ko sa iyo Roman Ty, marami ka pang bahong itinatago tulad ng iyong salot na Merchant Hotel na pugad ng prostitusyon at iba mo pang mga negosyong mga iligal.
Nasa watchlist ka na ng BITAG ngayon. Hindi ka pa nakakatagpo ng kapareho ng aming grupo. Tandaan mo Ty, hindi namin sinasanto ’yang mga taong kapareho mong may bahong itinatago.
Hindi uubra sa akin ’yang kagaguhan mong kinakaladkad ang iyong mga padrino sa City Hall. ’Yang mga taong kapareho mo, kinahihiya ni Mayor Lito Atienza, kapag nakita niyang unti-unti na naming inuungkat yang mga bantot mong singbaho ng iyong mapanghing kansursilyo!
Bitag hotline numbers, para sa mga naabuso, naaapi at biktima ng panloloko o anumang uring katiwalian, i-text, (0918) 9346417 o tumawag sa mga numerong ito 932-8919/932-5310. Panoorin ang ‘‘BITAG’’ tuwing Sabado, 7:00-8:00 p.m. IBC-13.