Batambatang chiching ng general,ipinagpapagawa ng bahay worth P5-M

ALAM n’yo bang ipinagpapagawa ng bahay ng isang general ang kanyang batambatang chiching?

Ayon sa aking bubuwit, belated happy birthday muna kay Rep. Isidro Rodriguez Jr. ng Rizal; dating Rep. Ranjit Shahani ng Pangasinan; Rep. Benasing Macarambon ng Lanao del Sur, Mario Gloria ng Autohaus, Atty. Ofelia Cajigal ng Mark Sensing Inc., Atty. Joel Carammeng ng NBI at Edwin Dagupan.

* * *

Alam n’yo bang napaka-galante palang magmahal ang isang general?

Ayon sa aking bubuwit, dahil sa sobrang pagmamahal ni General sa kanyang chiching ay ipinagpagawa niya ito ng bahay.

Wow, ang suwerte naman ng chiching nito.

Ang bahay na ipinagawa ni General sa kanyang batambatang chiching ay tinatayang nagkakahalaga ng P5-milyon.

Wow, hanep ang gara niyan!

Hindi naman masyadong kalakihan ang lot area nito, 150 sq. meters lang pero ito naman ay dalawang palapag.

At maganda ang design nito. Kasi talagang umupa pa sila ng interior designer para maganda talaga ang bahay.

Este love nest nilang dalawa.

* * *

Ayon sa aking bubuwit, ang bahay na ipinatayo ni general sa kanyang maganda at betty uno anyos na chiching ay matatagpuan sa Cavite.

Aba, medyo malayo para hindi malaman ni Misis.

Ito ay nasa Robinsons Subd. sa Dasmariñas, Cavite. Ang subdivision kaya na ito ay pag-aari ni business tycoon John Gokongwei?

Ayon sa aking bubuwit, ang bahay ay Chinese style ang design. Tsinita ba itong chiching ni General o mahilig sa Fung shei?

Ito ay nasa corner lot.

May garahe. Siyempre, para hindi naman nakahambalang sa kalsada ang kotse ni General ka- pag dumadalaw doon. May malaking aircon sa salas, ’yun bang nakatayong aircon.

* * *

Ayon sa aking bubuwit, ang nasabing bahay ay malapit nang tirahan ng chiching ni General.

Kasi 90 percent na pala ang natatapos. Finishing touches na lang ang ginagawa ngayon.

Kelan ba ang blessing General?

Ang suwerte naman ng chiching ni General? Saan niya kaya ito natisod? Mabait ba siya o magaling magtrabaho General?

Ayon sa aking bubuwit, ang general na nagpatayo ng bahay worth P5-million para sa kanyang betty uno anyos na chiching ay walang iba kundi si General…

Siya ay retired na pero ito ay nasa gobyerno pa rin.

Siya ay dating military general.

Siya ay si Gen. S. as in Santo Domingo.