Sisimulan umano ng Bureau of Immigratioin, ang pangangalap daw ng mga ebidensiya ukol sa mga umano’y katiwalian ng mga kamoteng opisyal mula sa Department of Foreign Affairs.
Nag-ugat ang bangayan ng unang akusahan umano ni Petronila Garcia, officer-in-charge ng office for Migrant Workers’ Affairs ng DFA, na diumano ay nangingikil ang mga immigration officials ng P5,000 mula sa mga pasaherong umaalis? Take note, BI Commisioner Didi Domingo, Your Honor.
Sabi ng ilang immigration officers na nakausap ng mga kuwago ng ORA MISMO, ang pagbubunganga raw ni Garcia ay sweeping, irresponsible, malicious at libelous, presumably with the intent of cowing the bureau into relaxing its requirements so that the illegal recruiters may continue on with their illegal activity.
Maraming deregatory information din daw natatanggap ang BI tungkol sa mga ma-anomalya at tiwaling gawain ng mga DFA officers pero hindi muna nila ito pinararating sa public.
Gusto munang i-verify ng husto ng BI ang mga ulat kung totoo?
Dapat maglabas ang dalawang ahensiya ng gobyerno ng mga ebidensiya para malaman ng publiko kung sino sa kanilang dalawa ang malinis at kapani-paniwala. Ang akusasyon kasi ng dalawang panig ay parang imahinasyon lamang.
May sariling mga internal affairs ang dalawang ahensiya na siyang nagbabantay sa mga tauhan nito at siyang tumitiyak na tanggalin sa ahensiya ang mga undesirable criminal elements.
‘‘Ano kaya ang nangyari sa dalawang ahensiyang ito at mukhang nagkakatampuhan?’’ tanong ng kuwagong pulis na naglalanggas ng sariling galis.
‘‘Iyan ang hindi natin alam," sagot ng kuwagong SPO-10 sa Crame.
"Siguro dapat busisiin ang mga paratang ng bawat isa kung totoo man,’’ sabi ng kuwagong Kotong cop.
‘‘Parehong magaling sina Ka Blas at Didi dahil hindi man lang nabahiran ng kakurapan ang dalawang ito mula nang manungkulan sa gobyerno.’’
‘‘Hindi naman sila ang pinag-uusapan natin ang mga nasa baba nila?’’
‘‘Tiyak hindi papayag ang dalawa kapag nalaman nila ito.’’
‘‘Iyan ang abangan natin, kamote.’’