Spice Boys noon, Juicy Fruit Boys na ngayon

ALAM n’yo bang iba na ngayon ang tawag sa mga congressmang tinaguriang Spice Boys?

Ayon sa aking bubuwit, happy birthday muna kay Rep. Miguel Zubiri, Fernando Dan ng Sarimanok; Nelson Espinosa, Georgit Oki Moto, Mae Fajardo, Vince Christiansen Ramirez, Delfin Doria, Bros. Ed Granada, Tony Mendoza, Jimmy Gonzales, Raul Urgello at Bro. Col. Ting de Maala.

* * *

Alam n’yo bang iba na ngayon ang bansag sa mga Spice Boys ng Kongreso?

Ayon sa aking bubuwit, ang nagbansag sa mga Spice Boys ng bagong pangalan ay ang mga beteranong kongresista.

Dahil nawalan na diumano ng anghang ang mga Spice Boys, ang tawag sa kanila ngayon ay Juicy Fruit Boys.

Alam n’yo ba kung bakit ito ang bansag ngayon sa kanila? Dahil ang mga hawak nilang mga committee ngayon ay pawang mga juicy.

May halong tampo at inggit ngayon ang nararamdaman ng mga beteranong kongresista sapagkat dinadaig pa sila ngayon ng mga bagitong Spice Boys.

At ang malungkot pa rito, mukhang nawala na ang idealism ng mga batang kongresista.

Kinain na rin sila ng bulok na sistemang gusto nilang baguhin kuno.

* * *

Ayon sa aking bubuwit, ang mga Spice Boys ay magaling umano sa "insertion" ng budget upang malaki ang makuha nilang pondo sa kanilang distrito.

Totoo kayang nakapag-singit ng budget na P30 million ang isang Spice Boy sa kanyang pork barrel fund?

At ito ay ipinagpagawa diumano ng private air strip para maka-landing ang kanilang eroplano doon sa probinsiya nila.

Hanep!

Sabi nga ng ating matandang bubuwit na kongresista, masisiba umano ngayon ang mga Spice Boys.

"So young and yet so corrupt."

Naku, ang sama naman yatang example ngayon itong mga Spice Boys, Manong Speaker Joe.

* * *

Ayon sa aking bubuwit, ang mga Spice Boys na chairman ngayon ng mga juicy committees ay sina Rep. Rolando Andaya Jr. ng Camarines Sur; Chairman ng Committee on Appropriations; Rep. Miguel Zubiri ng Bukidnon, Chairman ng Committee on Franchise; Rep. Ace Barbers ng Surigao del Norte, Chairman ng Committee on Accounts; at Rep. Ricky Sandoval ng Navotas-Malabon, Chairman ng Committee on Ways & Means.

Very juicy nga ba ang komiteng hawak ng mga Juicy Fruit Boys?