Doktorang me asawa ang 'chiching' ng isang general

ALAM n’yo bang may chiching na doktorang may-asawa ang isang tahimik na general?

Ayon sa aking bubuwit, happy birthday kay Justice Vicente Mendoza ng Supreme Court; outgoing AFP Chief of Staff Gen. Dionisio Santiago, Sheila Policarpio, Nathan Cruz ng DZRH; Dra. Gigi David, Prof. Edwin Malabuyoc ng PUP-Sto. Tomas at Diosmarino Gupana ng Dinagat Island, Surigao del Norte.

Congratulations kay ERC Chairman Manuel Sanchez.

* * *

Alam n’yo bang may itinatago palang katulisan ang isang tahimik na general?

Ayon sa aking bubuwit, tahimik subalit mapanganib pala sa chiching itong si General.

Wala naman sanang problema kung magkaroon man ng chiching si General kung wala siyang "nasagasaan."

Ang kaso, ang nadale niyang chiching ay meron palang asawa.

Ikaw talaga, General, ang dami naman kasing mga dalaga diyan eh may asawa pa ang kinalantare mo.

Alam na kaya ito ng misis ni General?

* * *

Ayon sa aking bubuwit, matagal na rin palang inilihim ni General ang kanyang affair sa chiching.

Kaya lang may kasabihan na wala yatang lihim na hindi nabubuking.

Kung ang nasabing illicit affair ay nailihim sa mga miyembro ng Commission on Appointments kaya nakalusot ang promotions ni General.

Hindi siya nakalusot sa aking bubuwit.

Nang dumaan sa deliberation si General para sa kanyang promotion, lumitaw na ito ay may magandang reputation at integrity.

Yun pala’y may lihim din pala si General.

Pero at least ay magandang magdala si General, hindi masyadong eskandaloso sa ngayon.

* * *

Ayon sa aking bubuwit, sa tagal-tagal din ng affair ni General sa chiching niyang doktora, ang kanilang pagmamahalan ay nagbunga ng isang baby boy. Ang nasabing baby boy ay made in Mindanao but born in USA.

Sa katunayan ay nagpunta pa roon si General nang isilang ang kanilang baby.

Hindi pa kaya nakahalata noon ang mister ni Doktora?

* * *

Ayon sa aking bubuwit, ang doktorang chiching ng isang general ay walang iba kundi si...

Itago na lang natin sa pangalang Dra. V. as in Victoria ng Zamboanga.

At ang general na matulis din pala ay walang iba kundi si General...

Siya ay si AFP Gen. N. as in Non-Combatant.