Ang layunin ay pagbuklurin ang mga bansa sa Timog Silangang Asya. Magtutulungan at magkakaisa sa harap ng mahigpit na kompetisyon sa mga dambuhalang ekonomiya ng Western World.
Baguhin man ng libong ulit ang pangalan, kung may bansang hindi tumutupad sa layunin nito, walang silbi ang organisasyon.
Ang adhikain ng pagkakapatiran ay hantarang nalabag sa harap ng deportasyon ng pamahalaan ng Malaysia sa mga tinatawag na illegal aliens.
Hindi yung deportasyon per se, ang dapat kondenahin kundi ang masahol pa sa hayop na pagtrato ng mga Malaysian authorities sa mga ipinatatapong ilegal na dayuhan. Hinahataw, sinisipa, sinasampal. Walang sinisino matanda man o bata.
Kahit buntis ay tinatadyakan nang walang pakundangan. May mga Pilipina pa umanong ginahasa ng mga Malaysian police bagaman at ito’y pinabubulaanan ng mga awtoridad sa naturang bansa. Sino nga ba ang aamin sa pagkakasala?
Payo ni Sen. Gregorio Honasan, makipag-ugnay si Presidente Arroyo sa mga Southeast Asian leaders at talakayin ang pagpapatalsik sa Malaysia mula sa samahan. Aniya, nilabag ng Malaysia ang "good neighbor policy" ng ASEAN.
Dapat ikonsidera ang rekomendasyon ni Gringo lalo pa’t hindi lamang Pilipinas ang binigyan ng shabby treatment sa ginawang deportasyon ng mga undocumented aliens kundi maging ang Indonesia na isa ring kasaping bansa ng ASEAN.
Pero, tsk, tsk... bakit nga ba ganyan kasalaula ang pagtrato sa ating mga Pinoy sa ibang bansa?
Isyu (o i-shoe) ang karanasan sa San Francisco International Airport ni Senate President Franklin Drilon. Hindi nirespeto ang kanyang pagiging Senador ng isang kaalyadong bansa. Itinuring siyang ordinaryong pasahero. Pinaghubad ng sapatos bilang bahagi ng random security check.
Sa pagkaalam ko, may special dispensation ang mga dignitaryo na kumakatawan sa alin mang bansang kakampi ng Amerika as a matter of protocol. Hindi na ang pagkatao ang dapat igalang kundi ang Inambayan.
Talagang pangit na at napakababa ng tingin sa atin ng mundo. Sabi nga ni Brat Pig: "In Malaysia they shoo Filipinos away. In America, they un-shoe them. hiks-hiks-hiks!"