Gustong humiram ng pera sa Pag-IBIG

Dear Secretary Defensor,

Ako ay mahigit 10 taon nang miyembro ng Pag-IBIG. Bumili ako ng bahay at lupa noong 1995 sa pamamagitan ng housing loan sa banko. Ngayon, P500,000 na lamang ang aking utang.

Nais ko sanang malaman kung maaari akong makahiram sa ilalim ng housing loan program ng Pag-IBIG upang mabayaran ng buo ang aking utang sa banko. Posible ba ito? Mayroon bang ganitong uri ng housing loan sa Pag-IBIG? Kung mayroon man, maaari bang malaman ang mga requirements dito? – Ana ng Parañaque

Maaari kang makahiram para makapagbayad ng buo sa banko sa pamamagitan ng refinancing scheme ng Pag-IBIG. Kinakailangan lamang na ang banko ay accredited o kinikilala ng Pag-IBIG.

Ang mga requirements ay ang mga sumusunod:

1.) Housing loan application kasama ang retrato ng manghihiram.

2.) Income Tax Returns ng dalawang nakaraang taon;

3.) Certificate of Employment and Compensation.

4.) Huling payslip na natanggap;

5.) Certified True Copy ng TCT/CCT/OCT;

6.) Location Plan at Vicinity Map;

7.) Photocopy ng updated Tax declaration and Tax Receipt;

8.) Proof of billing address;

9.) Processing free;

10.) Purchase agreement;

11.) Iba pang dokumento na kinakailangan sa pagproseso ng inyong loan.

Makipag-ugnayan ka sa pinakamalapit na Pag-IBIG office sa inyong lugar tungkol sa ibang detalye. Sa mga nagnanais sumulat, maaaring ipadala ang inyong liham sa Office of the Chairman, 6th Flr. Atrium Bldg., Makati Avenue, Makati City.