Commander Robot ex-gardener ng governor

Alam n’yo bang dati palang hardinero si Commander Robot?

Ayon sa aking bubuwit, happy birthday muna kay Ms. Beth Oller, Ding Aguila, Corazon Acyatan at Cedrio Calica ng MBC.

Binabati ko rin si dating Finance Sec. Ernest Leung; Atty. Mar Panganiban ng Lipa City; Atty. Felix Reyes, Bro. Pablito Cordeta ng Manila Bureau of Fire; Alma Santos, Myrna Espina, Malou Padilla, Mon Santiago at Bert Pasquin ng San Miguel Corp.

* * *

Alam n’yo bang dati palang hardinero ng isang opisyal sa Sulu si Commander Robot?

Ayon sa aking bubuwit, si Commander Robot na kaibigan ni Mr. Robert Aventajado ay dati palang hardinero ni Sulu Governor Sakur Tan.

* * *

Ayon sa aking bubuwit, itong si Commander Robot ay matagal din palang naglingkod kay Governor Sakur Tan.

Bukod sa pagiging hardinero ng gobernador ay naging alalay din si Robot ng isang anak nito.

Noong una ay mabait itong si Robot. Sunud-sunuran siya sa utos ni Governor. Walang angal kahit anong iutos sa kanya.

* * *

Ayon sa aking bubuwit, ang anak na lalaki ni Governor Sakur Tan ang nagbansag kay Galib Andang ng Robot.

Si Robot ay ginawang utusan-bodyguard ng anak ng governor. Kahit ano ang iutos sa kanya ng anak ni Governor ay sunud-sunuran ito.

Kahit ano ang sabihin sa kanya ay gagawin niya. Kahit pa siguro sabihin kay Robot na umakyat sa rooftop ng mataas na building at utusang tumalon ay susundin nito.

Ganyan kauto-uto noon itong si Robot. Dahil sa sobrang pagiging mabait at sunud-sunuran kaya siya binansagang Robot.

Kasi nga naman ang robot, kahit ano ang iutos ay ginagawa. Naka-program na.

Iyan ang dahilan kung bakit tinawag na Commander Robot si Galib Andang.

Eh si Abu Sabaya kaya?

Di ba sinasabing kulot daw ang mga mata nito kaya parating naka-shades.

Kung ganoon, dapat ang itawag sa kanya ay Commander D. as in Duling.