Suspendido

Gipaubos sa dili moubos sa unom ka buwan nga preventive suspension sa Ombudsman si Francisco Comendador III, General Manager sa Cebu Port Authority (CPA), tungod sa kapakyas niini sa pagsunod sa patakaran o polisiya nga gipatuman sa Cebu Port Commission.

Kini mahitungod sa dili pagtugot sa mga private commercial port sa pagdawat sa mga port users gawas lang panahon sa emerhensiya, panginahanglan o naghuot nga pantalan nga gipadagan sa gobiyerno nga miresulta hinuon sa pagbalhin sa mga port users sa ilang operasyon ngadto sa mga pribado nga commercial port nga miresulta usab sa pag-ubos sa mga kargamento nga nangabot, ship calls ug pag gamit sa Cebu International Port.

Ang unom ka buwan nga preventive suspension resulta kini sa kasong grave misconduct ug gross neglect of duty nga gipasaka sa Oriental Port and Allied Services Corporation (OPASCOR) ang cargohandling services sa Cebu International Port (CIP).

Ang suspension ni Comendador gipatuman dayon ug gituman ra pod kini ni Comendador.

Unsa man kaha ka dako ang rason ni GM Comendador sa wala pagtuman niini  sa polisiya nga mugna mismo sa Cebu Port Commission nga iya man nga gitaya ang iyang posisyon? Labing seguro lutong ang katumbas niini.

Kay walay opisyal nga mokompromiso sa iyang taas nga katungdanan kun dili lutong o ba kaha tambok ang katumbas niini. Si GM Comendador ra gyod ang nasayod niini.

Karon nga napaubos na sa preventive suspension si GM Comendador, kinahanglan nga ang mopuli kaniya mopatuman dayon sa polisiya nga wala sunda ug tumana ni GM Comendador aron dili siya ang mosunod sa pagka suspenso. Leksiyon kini nga makat-onan sa magsunod sa katungdanan.